WASIMAMIZI WASAIDIZI WA UCHAGUZI WILAYA YA RUANGWA WAPATIWA MAFUNZO

Posted on: September 30th, 2024

Wasimamizi wasaidizi wa uchaguzi wa Serikali za Mitaa 2024 katika Halmashauri ya Wilaya ya Ruangwa, ngazi ya kata na vijiji, wamepatiwa mafunzo maalum ya maandalizi ya uchaguzi wa viongozi wa Serikali za Mitaa katika ukumbi wa Halmashauri ya Wilaya, mafunzo hayo yamefanyika leo tarehe 30 Septemba 2024.

Mafunzo hayo yamelenga kuhakikisha kwamba uchaguzi unafanyika kwa haki na ufanisi, huku yakiwaandaa wasimamizi wasaidizi na kuwapa ujuzi wa kutosha katika kusimamia mchakato wa uchaguzi, kuhakikisha kwamba kila hatua inatekelezwa kwa mujibu wa sheria na taratibu za uchaguzi.