Kilimo, Mifugo na Uvuvi

Ndg, Nicolasco Damiani Kilumile

Wilaya ya Ruangwa ina eneo linalofaa kwa kilimo kwa mazao ya chakula na biashara lenye ukubwa wa hekta 204,486. Mazao yanayo zalishwa sana ni Korosho, ufuta, muhogo, Alizeti na mahindi na kilimo cha mbogamboga na matunda. Uwepo wa bonde la mto Mbwemkuru na Lukuledi inawezesha kufanya kilimo cha umwagiliaji.

Eneo lenye ukubwa hekta 35,559 limetengwa kwa ajili ya kilimo cha Muhogo katika kata za Narungombe, Chibula, Chienjere, Namichiga na Mbekenyera. Pia eneo lenye ukubwa wa hekta 10,872 limetengwa kwa ajili ya kilimo cha Ufuta katika kata za Nambilanje, Mbwemkuru na Chunyu. Maeneo mengine yanayofaa kwa kilimo cha Mbogamboga ni katika kata ya Nkowe, Mnacho na Likunja ambapo nyanya na vitunguu uzalishwa kwa wingi.

SHUGHULI ZINAZOTEKELEZWA

• Kutoa mafunzo ya kanuni bora za kilimo kwa wakulima ikiwemo upandaji kwa nafasi na kwa wakati, matumizi ya pembejeo, zana na teknolojia za kisasa, teknolojia za umwagiliaji na kilimo hai. Mafunzo haya yanatolewa kwa njia mbalimbali ikiwemo mihadhara, mijadala, mashamba darasa, mashamba ya mfano na ziara za mafunzo kwa mtu mmojammoja  vikundi na kwenye mikutano.
• Kutoa mafunzo ya matumizi bora ya ardhi kwenye maeneo ya kilimo kwa kupanga na kugawa matumizi ya ardhi kwa shughuli mbalimbali ikiwemo kuongeza uzalishaji kwa eneo
• Kutoa taarifa mbalimbali zinazohusu sekta ya kilimo, mfano ni wapi pembejeo zinapatikana, hali ya masoko, uwezesho wa kifedha na hata mashirika yanayowasaidia wakulima kupata mahitaji yao mbalimbali
• Kuwasaidia wakulima kuanzisha na kutunza vitalu vya mbegu za mboga na matunda kwa ajili ya kukuza mazao ya bustani
• Kufanya maonesho mbalimbali katika ngazi za mitaa na kata kupitia siku za wakulima, na hata ngazi ya wilaya kupitia maonesho ya nanenane.
• Kutoa mafunzo ya hifadhi ya mazao ya kilimo kwa kuzingatia viwango vinavyohitajika na matumizi ya viuatilifu vya mazao ya kilimo ghalani
• Kuwatembelea wakulima, kuona changamoto wanazokutana nazo na  kutoa ushauri wa jinsi ya kutatua changamoto hizo.
• Kutoa tuzo na zawadi mbalimbali kwa wakulima ili kuwahamasisha wenzao kupenda kufanya vizuri zaidi. Hii inaleta ushindani ambao hatimae unasababisha ongezeko la uzalishaji kwa ujumla

JINSI HUDUMA ZINAVYOPATIKANA

Huduma hizi hutolewa ndani ya Wilaya kwa njia zifuatazo

• Kupata ushauri wa moja kwa moja toka ofisi ya Kilimo, Umwagiliaji na ushirika katika Manispaa
• Kupata ushauri wa ana kwa ana toka kwa wataalam wa wilayani, katani au kwenye mtaa katika shamba la mkulima
• Kupata ushauri toka ofisi ya kata au ya mtaa
• Mafunzo kwa njia ya mikutano ( warsha na semina mbalimbali)
• Mafunzo kwa njia ya vikundi kuongea na vikundi
• Mafunzo kwa njia ya kujisomea kupitia kituo cha mafunzo kilichopo Sangabuye (kituo hiki bado hakijaanza kutokana na ukosefu wa machapisho)
• Ziara za mafunzo
• Mafunzo kupitia maonesho mbalimbali ngazi ya mtaa, kata, na wilaya wakati wa siku ya wakulima nanenane