Namungo kwanza simba yanga baadae

Posted on: March 6th, 2020

Mwenyekiti wa Halmashauri ya Wilaya ya Ruangwa, Mhe Rashidi Nakumbya amewataka wananchi wa Ruangwa kujitokeza kwa wingi tarehe 15/03/2020 katika mechi ya mpira wa miguu kati ya Namungo Fc na Yanga.

Amesema hayo leo tarehe 06/03/2020 wakati wa kikao cha baraza la Halmashauri lililofanyika katika ukumbi wa Rutesco Ruangwa mjini

Mhe Nakumbya amesema wanaruangwa wahamasike na  kujitokeza kwa wingi kuishangilia timu ya Namungo bila kujali kama ni shabiki wa yanga au simba

“Ukiwa ni mkazi wa Ruangwa itasikitisha sana mtu akianza kushangilia yanga siku hiyo jamani uzalendo kwanza Namungo kwanza tarehe 15 uwanja mzima uwe Namungo” Nakumbya

Aliendelea kusema Mhe Nakumbya hata mimi ni Yanga  tena mwanachama mwenye kadi na si shabiki tu ila siku hiyo tarehe 15/03/2020 mimi ni Namungo na tutawafunga tu Yanga.

“Twendeni tukaujaze uwanja wetu twendeni tukashangilie Timu yetu tuachane hizi timu za wenzetu tupende vyetu Namungo ni timu ya  wanaruangwa” amesema Nakumbya

Aidha alisema kutakuwa na usalama wa kutosha wa mali na watu hivyo amewaomba watu wajitokeze kwa wingi kutakuwa na usalama wa kutosha

MWISHO