KAMPUNI YA KUDU GRAPHITE YATOA MIPIRA 20 KWA KAMBI YA UMISSETA RUANGWA

Posted on: June 3rd, 2024

Kampuni ya uchimbaji Madini aina ya Kinywe (Kudu Graphite Limited) inayofanya shughuli zake katika Kijiji cha Nangurugai Kata ya Mbwemkuru wilayani Ruangwa imegawa Mipira 20 kwa Kambi ya UMISSETA iliyopo katika Shule ya Sekondari Ruangwa.

Mipira hiyo imegawiwa leo Juni 3, 2024 na Afisa Mahusiano wa Kampuni hiyo Ndugu Augustino Uisso, ikijumuisha Mipira ya miguu 12, mipira ya pete mitatu, mipira ya kikapu mitano.

Wakati akipokea mipira hiyo Afisa Michezo Wilaya yao ya Ruangwa Ndugu Shaban Mchinama ameishukuru Kampuni ya Kudu Graphite Limited kwa ushirikiano na upendo waliouonesha kwao na kuahidi kuitumia vizuri na kuitunza mipira hiyo ili kuendeleza gurudumu la michezo wilayani Ruangwa.