WILAYA YA RUANGWA YAADHIMISHA SIKU YA MASHUJAA TANZANIA KWA KUFANYA USAFI SOKO KUU

Posted on: July 25th, 2024

Viongozi na wananchi wa Wilaya ya Ruangwa wajumuika kwa pamoja kuadhimisha siku ya Mashujaa Tanzania kwa kufanya usafi Soko kuu Ruangwa leo Julai 25, 2024 saa 12 asubuhi.

Siku ya Mashujaa nchini Tanzania, ambayo huadhimishwa tarehe 25 Julai kila mwaka, ina historia yake iliyojaa heshima na kumbukumbu kwa mashujaa wa taifa hili.

Hii ni siku ya kuwakumbuka na kuwaenzi wale wote waliopigania Uhuru na haki za wananchi wa Tanzania, pamoja na wale waliotoa maisha yao kwa ajili ya maslahi ya Taifa.

Siku hii ilianzishwa rasmi baada ya Tanzania kupata Uhuru wake kutoka kwa nchi ya Uingereza mwaka 1961, na ni siku muhimu katika kalenda ya Taifa kwa ajili ya kuwapa heshima mashujaa wa vita mbalimbali na harakati za ukombozi.

Pia ni siku ya kutafakari kuhusu mchango wa wanajeshi, polisi, na wananchi wa kawaida ambao wamefanya kazi kubwa katika kulinda na kuendeleza amani na Uhuru wa Tanzania.

Katika maadhimisho haya, Serikali pamoja na wananchi hufanya shughuli mbalimbali kama vile kumbukumbu maalum, maombi, na sherehe za kitaifa zinazoambatana na hotuba za viongozi wakuu wa nchi.

Nazo, familia za mashujaa hupokea heshima maalum na zawadi kama ishara ya kutambua mchango wao mkubwa kwa Taifa.

Kwa mwaka huu maadhimisho haya kitaifa yanafanyika mkoani Dodoma na kwa Mkoa wa Lindi, yanafanyika mkoani.