WANANCHI WA KIJIJI CHA MPARA WAFANYA USAFI KUJIANDAA NA MAPOKEZI YA MWENGE WA UHURU

Posted on: May 3rd, 2025

Wananchi wa Kijiji cha Mpara, Wilaya ya Ruangwa mkoani Lindi, leo Mei 3, 2025, wamefanya zoezi la usafi wa mazingira katika barabara kuu inayoelekea kwenye mradi wa maji wa kijiji hicho, ikiwa ni sehemu ya maandalizi ya mapokezi ya Mwenge wa Uhuru unaotarajiwa kupita kijijini hapo Mei 28, 2025.

Zoezi hilo limeongozwa na Afisa Mtendaji wa Kata ya Likunja, Ndugu Vincent Nchimbi, na limehusisha wakazi wengi wa kijiji hicho wameonesha uzalendo kwa kujitokeza kwa wingi kushiriki shughuli hiyo ya kijamii.

Aidha, Wananchi wamefanya kazi kwa ari na mshikamano mkubwa, wakionesha moyo wa kujitolea na kuupokea Mwenge wa Uhuru kwa heshima kubwa. Usafi huo umejikita katika maeneo ya barabara na mazingira yanayozunguka miundombinu ya mradi wa maji wa kijiji.