Mpango wa matumizi bora ya ardhi ni kwa manufaa ya wananchi; washirikishwe

Posted on: July 30th, 2022

Mkuu wa Wilaya ya Ruangwa Mhe. Hassan Ngoma ametoa wito kwa wananchi wa Wilaya hiyo kutambua thamani ya utunzaji rasilimali zao kama misitu na mito  katika maeneo yao

Amesema hayo leo tarehe 30/06/2022 wakati wa kupitisha wa mpango wa matumizi bora ya ardhi katika kijiji cha Narungombe.

Amesema mpango wa matumizi bora ya ardhi ni maelekezo ya serikali na mkakati ni kila kijiji cha Ruangwa kiwe katika mpango wa matumizi bora ya ardhi.

"huu si mpango wa mkuu wa wilaya au Mkurugenzi haya ni maelekezo na sheria ipo tangu zamani na kila tutakapokuwa tunapata fedha kila kijiji kitafikiwa" amesema Ngoma

Amesema  Mheshimiwa Ngoma, katika kutekeleza Mpango wa matumizi bora wananchi wa eneo husika wanapaswa kushirikishwa na kusikilizwa maoni yao  wakati zoezi likiendelea.

"Huu ni mpango wa serikali hivyo ni muhimu utekelezwe ila rudini katika vitongoji vyenu mkasikilize wananchi wenu maoni yao na yafanyiwe kazi".

Naye kaimu Mkurugenzi Mtendaji wa Halmashauri ya Wilaya ya Ruangwa Ndgu. George Mbesigwa amesema

Sasa ni muda wa  kuacha kuishi kwa mazoea na kuanza kuishi kwa kufuata sheria za matumizi bora ya ardhi.

"tunapaswa kubadilika tuanze sisi na wengine watabadilika, tubadilike kifikra na tujue

Kulima katika mto ni kukausha mito. tubadilike kifikra kwasababu tumeshapewa elimu, sitegemei kuona hili jambo likitokea hapa kwetu Narungombe" amesema Mbesigwa.

MWISHO