MKURUGENZI CHONYA ATIMIZA NADHILI YAKE KWA MCHUNGAJI WA KANISA LA E.A.G.T RUANGWA

Posted on: July 21st, 2024

Mkurugenzi Mtendaji wa Halmashauri ya Wilaya ya Ruangwa Ndugu Frank Fabian Chonya atimiza nadhili yake kwa Mchungaji wa kanisa la EAGT Ruangwa Michael Kisasa kwa kumpatia pikipiki aina ya Sino Ray ikiwa "full tank" ambayo itarahisisha utendaji kazi wake wa kueneza neno la Mungu kwa waumini.

Nadhili hiyo ameitimiza leo Julai 21, 2024 katika ibada ya Jumapili na kutoa kwa waumini wa Kanisa hilo ya kwamba kwa Mungu hakuna masikini hivyo mtu ukiwa nacho hata kidogo basi saidia kwa wenzako kwani ni moyo na si utajiri.

Aidha, Ndugu Chonya amewasisitiza waumini hao kushiriki katika Uchaguzi wa Serikali za Mitaa kikamilifu zoezi ambalo linaanza na uboreshaji wa daftari la kudumu la wapiga kura ambalo limezinduliwa jana Julai 20, mkoani Kigoma na Waziri Mkuu Mhe. Kassim Majaliwa.

Kwa upande wake, Mchungaji Kisasa amemshukuru Mkurugenzi na familia yake kwa kujitoa kwao katika mambo mbalimbali yanayohusisha jamii.