Kamati ya uongozi ,fedha na mipango yatembelea miradi ya maendeleo

Posted on: May 26th, 2022

Kamati ya Uongozi, Fedha na mipango imefanya ziara ya kutembelea miradi ya maendeleo ya Halmashauri ya Wilaya.

Imefanya ziara hiyo tarehe 27/05/2022 ambapo, miradi mitano ilitembelewa ikiwemo Mradi wa Msitu wa Halmashauri Nandimba, Ujenzi wa nyumba za watumishi Chikundi, Ujenzi wa shule shikizi Mchichili, Ujenzi wa Kituo cha Afya Namichiga na Ujenzi wa Zahanati Namkatila.

Katika ziara hiyo Waheshimiwa Madiwani walipongeza Serikali za Vijiji kwa kusimamia miradi, pamoja na kubuni miradi mipya katika maeneo yao.

Katika ziara hiyo Mwenyekiti wa Kamati Mheshimiwa Chikongwe aliwataka wasimamizi wa miradi hiyo kusimamia kwa kufuata sheria na kutumia fedha kama ambavyo miongozo ya miradi inavyoelekeza.

"Fedha mnazopokea zina maelekezo zingatieni maelekezo ili muweze kumaliza miradi kwa wakati" amesema Chikongwe.

Vilevile Wajumbe wa kamati ya Mipango, Fedha na Utawala waliitaka kamati ya usimamizi wa misitu kuhakikisha kuwa wavunaji hawatumii misumeno ya moto kwasababu husababisha uharibifu katika misitu.

MWISHO