HALMASHAURI YA WILAYA YA RUANGWA YAPOKEA MAGARI MAWILI

Posted on: February 7th, 2024

Halmashauri ya Wilaya ya Ruangwa imepokea magari mawili February 7, 2024  aina ya Toyota Land Cruiser ambayo itatumika kama Ambulance katika vituo vya Afya  ikiwemo kituo cha Afya Narungombe, Mbwenkuru pamoja na Mbuyuni  na Toyota Prado itakayotumika kama usafiri wa Mkurugenzi wa Halmashauri ya Wilaya ya Ruangwa yaliyokabidhiwa na serikali ya awamu ya sita inayoongozwa na Mhe. Dkt Samia Suluhu Hassan.

Mkurugenzi wa Halmashauri ya Wilaya ya Ruangwa Ndugu Frank Fabian Chonya amemshukuru  Raisi wa Jamuhuri ya muungano wa Tanzania Dkt Samia Suluhu Hassan kwa kuendelea kuboresha utoaji wa huduma kwa wananchi.

Aidha,ametoa shukrani zake za dhati kwa Mbunge wa jimbo la Ruangwa Mhe. Kassim Majaliwa pamoja na Mkuu wa Wilaya ya Ruangwa Mhe. Hassan Ngoma kwa upendo mkubwa wanaouonesha kwa wananchi wa Ruangwa na ushirikiano wao wa karibu sana na viongozi wengine wa  Halmashauri  ya Wilaya ya Ruangwa.

Kwa upande mwingine, Ndugu Chonya  ametoa rai kwa Watumishi wa Halmashauri ya Wilaya ya Ruangwa kuyatumia vyema magari hayo kwa kutoa huduma kwa jamii ikiwa ni pamoja na usimamizi wa miradi mbalimbali vijijini na kuacha kusingizia uhaba wa usafiri na kusisitiza magari hayo yatumike katika kazi rasmi zinazohusu Halmashauri tu na si vinginevyo halikadharika kuyatunza  vizuri magari hayo  ili yaweze kudumu kwa muda mrefu huku yakiiletea maendeleo chanya Halmashauri hiyo.