Pongezi kwa Wajasiliamali wa Ruangwa-DC Mmanda

Posted on: August 2nd, 2019

Mkuu wa Wilaya ya Mtwara Mhe. Evodi Mmanda amewapongeza wajasiliamali wa Ruangwa kwa kuleta bidhaa mbalimbali na kwa uwingi katika banda la Wilaya ya Ruangwa.

Amesema hayo leo tarehe 2/08/2019 wakati akitembelea katika banda hilo wakati wa maoneshe ya nane nane yanayofanyika kikanda ya kusini katika viwanja vya Ngongo.

 Mheshimiwa Mmanda alisema wajasiliamali  wamejitahidi kwenye kuleta bidhaa kwenye tamasha na amewataka Halmashauri husika kuwahamasisha wajasiliamali hao kushiriki tamasha la vijana litakalifanyika baada ya maenesho haya.

“Wamejitahidi kuleta bidhaa kuna tamasha la vijana baada ya maonesho haya ni  fursa ya wao kuuza bidhaa zao wahamasisheni kwa wingi ili wapeleke bidhaa zao na wapate soko” amesema Mmanda

Sambamba na hayo Mkuu wa Wilaya alitoa pongezi kwa mfugaji wa n’gombe mwanamke Bi Sheri Nachinuku ambaye anafuga ng’ombe wa kisasa Wilayani Ruangwa.

Alisema yeye akawe mfano wa kuigwa na wanawake wengine ili na wao waanzw kujishughulishe na ufugaji kama huo kwani hiyo ni ajira inayoweza kurithishwa kutoka kwa mababu mpaka wajukuu.

Maoneshe hayo  yameanza tarehe 1/ 08/2019 katika viwanja vya ngongo na yatafungwa rasmi tarehe 08/08/2019.

MWISHO