Ded Tumieni vifaa mlivyopatiwa kwa uadilifu

Posted on: February 8th, 2021

Mkurugenzi Mtendaji wa Halmashauri ya Wilaya ya Ruangwa ndg, Frank Fabian Chonya amegawa baiskeli, fimbo za wasioona na jozi kwa watu wenye ulemavu Ruangwa na  amewataka vifaa hivyo vitumike vizuri kwa watu wenye walemavu

Ndugu Chonya Amegawa vifaa hivyo  tarehe 08/02/2021 katika makao makuu ya ofisi ya Halmashauri mjini Ruangwa.

  "Aliendelea kusema nikikuta baiskeli hizi zinatumika na mtu asiyesitahiki nitamnyang'anya na kumpa mtu mwenye uhitaji maan huwezi kupewa wewe baiskeli alafu ukampa mtu asiyenauhitaji" amesema Chonya

• Vile vile alisema ndugu Chonya kuanzia mwaka huu wa fedha Halmashauri itaanza kutoa mikopo kwa walemavu na kwa  mtu mmoja mmoja na si kwa vikundi kama ilivyokuwa awali.

Aliendelea kusema  uongozi wa Halmashauri katika kusimamia mikopo hiyo haipotei itatoa wataalamu wa kumsimamia na kumsaidia kukuza biashara yake mnufaika wa mikopo.

Naye Diwani wa kata ya Nkonwe aliwataka watu wenye ulemavu kutumia vifaa hivyo katika kujiongezea kipato ili kuboresha maisha yao

Pia amewaomba kutumia fursa ya mikopo itakayotolewa ya mtu mmoja mmoja na kuitumia katika uzalishaji wa kila siku.

Naye Rehema Mitachi mnufaika wa vifaa vilivyogaiwa aliushukuru uongozi wa Halmashauri kwa kuona haja ya kuwagawia mikopo hiyo.

Aliendelea kusema anaomba  mikopo hiyo itakapotolewa kila mnufaika atakaepokea pesa basi azifanyie biashara na arudishe mkopo huo ili na wanufaika wengine waweze kukopa.

Msaada wa vifaa hivyo umetolewa na Kampuni ya Sigara Tanzania  imetoa baiskeli 28, magongo jozi 50 na  fimbo za wasioona 100. 

MWISHO