MUENDELEZO WA ZIARA YA MKUU WA WILAYA YA RUANGWA KUSIKILIZA KERO ZA WANANCHI KATA YA NKOWE

Posted on: September 27th, 2024

Mkuu wa Wilaya ya Ruangwa Mhe. Hassan Ngoma amefanya ziara ya kutembelea Kata ya Nkowe leo Septemba 27, 2024 ikiwa ni muendelezo wa ziara ya kusikiliza kero za wananchi wa Wilaya ya Ruangwa

Katika ziara hiyo ameambatana na wakuu wa Idara mbalimbali ikiwemo ya Idara ya Elimu, TANESCO, RUWASA, Kamati ya Ulinzi na Usalama, na nyinginezo kwa lengo la kujibu kero za wananchi

Katika sekta ya Elimu Kata hiyo imekuwa na changamoto ya madarasa  katika shule ya msingi Kipindimbi ambapo Afisa elimu wa Wilaya Ndugu. Philipo Siyaya ameeleza uwepo wa bajeti ya BOOST ambayo itatumika kurekebisha madarasa hayo

Aidha, DC Ngoma amesema kuwa fedha za Boost zitumike vizuri ili kuhakikisha madarasa hayo  yanakamilika na watoto wanasomea sehemu nzuri

Katika hatua nyingine, Mhe. Ngoma amesisitiza wazazi kupeleka chakula shuleni kwani atayeshindwa kupeleka mpaka mwisho wa mwezi huu wa Septemba atachukuliwa hatua za kisheria 

Kwa upande wake,  Kaimu Maneja wa TANESCO Ndugu Wakati George amewataka wananchi kuvuta umeme katika nyumba zao na kuacha kulalamikia nguzo za umeme

Akifafanua suala hilo DC Ngoma amewaleza wananchi kutumia nafasi hiyo kwani bei ya kuvuta umeme ni shilingi 27000 ambayo kila mtu anaweza kuilipa

Mbali na hayo, Katika suala la changamoto ya maji Kaimu Meneja wa RUWASA amewapa imani wananchi kuhusu mradi wa maji wa Nyangao unagharimu kiasi cha sh. Bilioni 119 ambao unatarajiwa kuwafikia wananchi mwanzoni mwa mwaka ujao

Mkuu wa Wilaya ya Ruangwa amehitimisha mkutano huo kwa kuwasihi wananchi kushiriki uchaguzi wa serikali za mitaa ili kuchagua viongozi bora watakao waletea maendeleo katika maeneo yao.