MKUU WA WILAYA YA RUANGWA AZINDUA HUDUMA YA UMEME KIJIJI CHA MMAWA

Posted on: June 26th, 2024

Mkuu wa Wilaya ya Ruangwa Mhe. Hassan Ngoma ametembelea kijiji cha Mmawa kilichopo kata ya Nandagala Wilaya ya Ruangwa leo Juni 27, 2024 na kuzindua huduma ya umeme.

Ziara hiyo ya Mkuu wa Wilaya imehusisha Mwenyekiti wa Halmashari, Mkurugenzi Mtendaji wa Halmashauri na Wataalam wa Halmashauri.

Aidha Mhe. Ngoma amewasisitiza wananchi wa Mmawa kuchangamkia fursa hii ya umeme ili waweze kufanya uwekezaji kijijini kwao.

“Mimi niwahakikishieni Fursa zilivyo huwezi kuziona wakati zinakuja utakuja kuziona wakati zimekwisha tokea mimi nitarudi hapa miezi sita ijayo watu hamtaamini macho yenu hapa kutakuwa na maduka mengi, saluni, mashine za kuchomelea vyuma kwahiyo changamkieni fursa wekezeni kwa fursa hii ya umeme mliyoipata hususani ninyi vijana changamkeni”.

Aidha Mhe. Ngoma amewasisitiza wanakijiji cha Mmawa kushiriki kwenye Mmawa Marathon itakayofanyika kijijini hapo mwezi wa 7, ikumbukwe Mmawa marathon itakuwa na zawadi kwa washindi watakao shinda mashindano hayo ya mbio.