MKURUGENZI MTENDAJI WILAYA YA RUANGWA AFANYA UFUATILIAJI WA MIRADI YA IDARA YA ELIMU SEKONDARI

Posted on: March 9th, 2024

Mkurugenzi Mtendaji wa Halmashauri ya Wilaya ya Ruangwa Ndugu Frank Fabian Chonya leo Jumamosi 9, Machi amefanya ufuatiliaji wa miradi mbalimbali ya Idara ya Elimu Sekondari wilayani Ruangwa.

Ufuatiliaji huo umelenga miradi yote inayoendelea na pia kukagua maeneo ya kuanzisha miradi mipya katika Shule za Sekondari wilayani Ruangwa

Aidha, Mkurugenzi Chonya amesema ameshaomba fedha Serikali kuu ili kuwezesha kumalizia miradi viporo na kuanzisha mingine mipya ili kuhakikisha Sekta ya Elimu Wilaya ya Ruangwa iwe yenye maendeleo makubwa na kuwafanya wanafunzi wasome bila changamoto

Kwa upande mwingine Mkurugenzi Chonya ameweza kufanya ukaguzi wa ujenzi wa taa nne katika kijiji cha Mandawa na kujiridhisha kuwa ujenzi wake unaendelea vizuri.