MAMA SADA CHONYA ATOA MSAADA KWA MWANAFUNZI MWENYE MAHITAJI MAALUM

Posted on: June 11th, 2024

Mke wa Mkurugenzi Mtendaji Halmashauri ya Wilaya ya Ruangwa Mama Sada Chonya leo tarehe 11, Juni amemtembelea na kutoa msaada wa kitanda na godoro kwa mtoto Aisha Swalehe ambaye ni mlemavu anaesoma darasa la saba katika shule ya Msingi Likunja.

Msaada huo umetokana na harambee aliyoifanya Mama Sada Chonya siku ya wanawake Duniani ambayo kiwilaya ilifanyika kata ya Likunja ambapo, Wanawake na wadau mbalimbali walijitolea kumchangia binti huyo mwenye mahitaji maalum.

Aidha, Mama Sada Chonya amewapongeza walimu na walezi wa Aisha Swalehe kwa moyo wao wa upendo kwa mtoto huyo kwani wanamfanya kuwa mtoto mwenye furaha muda wote licha ya changamoto anazopitia.

Kwa upande wake Aisha amemshukuru Mama Sada Chonya na wadau wote kwa msaada waliompatia na kuwaombea kwa Mwenyezi Mungu awaongezewe baraka zaidi.