MADAKTARI BINGWA WA MAMA SAMIA WATOA MSAADA MKUBWA KWA WAGONJWA NA WATUMISHI WA AFYA RUANGWA

Posted on: March 28th, 2024

Wataalamu wa Afya ambao ni madaktari na wauguzi wa kampeni ya Mama Samia Mentorship ( Madaktari Bingwa wa Mama Samia) wametoa huduma katika kituo cha Afya Mbekenyera na hospital ya Wilaya Ruangwa.

Huduma zilizotolewa ni pamoja na magonjwa ya akina mama, magonjwa ya watoto, huduma za upasuaji na huduma za magonjwa dawa za usingizi na ganzi

Wataalamu hao wameanza kutoa huduma Machi 19, 2024 ambapo katika kituo cha Afya Mbekenyera wametoa huduma kwa siku nne na katika hospitali ya Wilaya Ruangwa wametoa huduma kwa siku tano ambapo wamemaliza leo 28, Machi.

Aidha wataalamu hao wametoa mafunzo kwa Madaktari na Wauguzi wa Wilaya ya Ruangwa kuhusu masuala mbalimbali ya Afya.

Kwa upande wake Kaimu Mganga Mkuu wa Wilaya ya Ruangwa na Mkuu wa Idara ya Afya Dr. Didace Iswalala ameipongeza Serikali ya awamu ya sita inayoongozwa na Rais Mhe. Dkt. Samia Suluhu Hassan kwa kuimarisha sekta ya Afya kwa kuandaa Wataalam wa Afya ili kutoa huduma zao katika hospitali na vituo vya Afya.