KAMATI YA FEDHA YAKAGUA UTEKELEZAJI WA MIRADI MBALIMBALI RUANGWA

Posted on: May 16th, 2024

Kamati ya Fedha ikiongozwa na Mwenyekiti wa Halmashauri ya Wilaya ya Ruangwa Mhe. Andrew Chikongwe yafanya ziara ya kukagua utekelezaji wa miradi mbalimbali iliyopo katika Wilaya ya Ruangwa leo Mei 16, 2024.

Miradi iliyokaguliwa ni pamoja na ujenzi wa choo matundu 12 katika Shule ya Sekondari Nambilanje, ujenzi wa Zahanati ya kijiji cha Nanjaru Kata ya Nambilanje ambayo imejengwa kwa hatua ya boma kwa nguvu za wananchi, ujenzi wa vyoo katika Shule ya Msingi Mbuyuni Kata ya Namichiga, ujenzi wa kituo cha Afya Namichiga ambacho kipo kwenye hatua ya umaliziaji, ujenzi wa choo katika Shule ya Msingi Chibula Kata ya Chibula, ujenzi wa majengo ya Zahanati ya Muhuru iliyopo Kata ya Chibula, kukagua mabwawa ya kufugia samaki katika kijiji cha Nahanga na ujenzi wa shule shikizi Chiwime Kata ya Mandawa.

Aidha, Mhe. Chikongwe amewataka wazabuni wa miradi hiyo kuhakikisha wanamaliza kwa wakati ili iweze kuanza kutumika kwani wananchi wanahitaji kunufaika na Maendeleo ya Wilaya yao.

Kwa upande mwingine, Mhe. Chikongwe amewapongeza wananchi kwa ushirikiano wao na Serikali katika kufanya mambo mbalimbali ya maendeleo katika Wilaya ya Ruangwa.