KAIMU MKURUGENZI AONGOZA ZOEZI LA UGAWAJI WA KOMPYUTA KWA SHULE ZA MSINGI NA SEKONDARI

Posted on: March 28th, 2024

Kaimu Mkurugenzi Mtendaji wa Halmashauri ya Wilaya ya Ruangwa Ndugu George Mbesigwe ameongoza zoezi la kugawa kompyuta 25 zilizotokana na mradi wa KOICA katika shule za Msingi na Sekondari 25 zilizopo wilayani Ruangwa.

Zoezi hilo limefanyika leo Machi 28, 2024 katika ukumbi wa Mikutano wa Halmashauri ya Wilaya ya Ruangwa ambapo kabla ya Walimu wawakilishi wa shule husika kupokea kompyuta hizo pamoja na viunganishi vya mtandao, wamepatiwa mafunzo jinsi ya kutumia na kuunganisha na mtandao.

Ndugu Mbesigwe amewataka Walimu hao kuvitumia vizuri kwa kuvitunza vifaa hivyo ili kuleta manufaa kwa shule na kwa Halmashauri kwa ujumla ili kuweza kupata miradi mingi zaidi.

"Hizi kompyuta zikatumike kutafutia material mbalimbali ya kufundishia na kujifunzia na iwe njia ya kupunguza utoro kwa wanafunzi" Amesema Mbesigwe