Endeleeni kuchangia Maendeleo ya wilaya- Mhe Chikongwe

Posted on: September 14th, 2021

Mwenyekiti wa Halmashauri ya Wilaya ya Ruangwa Mhe. Andrea Chikongwe ametoa shukurani  kwa Wakulima  na wafanyabiashara wa wilaya  hiyo kwa kuendelea kuchangia, maendeleo  ya wilaya

Amesema hayo katika kikao cha baraza la Madiwani kilichofanyika katika ukumbi wa ofisi ya Mkuu wa Wilaya leo 14/09/2021.

"Ukipita katika mitaa na vijiji vyetu utaona majumba mazuri, maduka na nyumba za kulala wageni vitu hivi vimetokana na juhudi  za baadhi ya wakulima na wafanyabiashara kiukweli tunatambua sana mchangao wao katika kuendeleza na kubadilisha  muonekano wa Ruangwa" amesema Chikongwe.

Vile vile ameishukuru Serikali ya Jamhuri ya Muungano wa Tanzania kwa kupeleka umeme katika vijiji vyote vya wilayani hali inayopelekea kuwa na nyumba bora, nzuri na zenye umeme.

 Mhe Chikongwe amesema "Tunamshukuru Mbunge wa Wilaya ya Ruangwa kwa kutuleta miradi mbali mbali katika Wilaya  kuanzia sekta ya afya, elimu na maji".

"Tunamiradi mikubwa na mizuri katika wilaya yetu ila yote hii ni *ushawishi, ushirikiano na kazi kubwa anayoifanya* Mheshimiwa Mbunge tunashukuru sana kwa hili".

Vile vile Baraza la madiwani la Halmashauri ya Wilaya ya Ruangwa kwa pamoja  limepongeza menejimenti ya Wilaya kwa kuongeza ukusanyaji wa mapato kupitia ghala la linalomilikiwa na Halmashauri.

Uongezekaji huu wa mapato umetokana na  kuanzishwa kwa ushirikiano na Wilaya ambazo vijiji vyao vimepakana na Wilaya ya Ruangwa kama  vile kilwa liwale na nachingwea, ushirikiano unaowezesha wakulima wa vijiji hivi  kupunguza gharama ya usafirishaji wa mazao yao kwa kuyauza kupitia ghala la Ruangwa.

MWISHO