CRDB watembelea Halmashauri ya Wilaya ya Ruangwa

Posted on: June 17th, 2022

Menejimenti ya Halmashauri ya Wilaya ya Ruangwa imepata  mafunzo ya uelewa juu ya huduma mbalimbali zinazotolewa na bank ya CRDB ikiwemo huduma za bima za aina zote, huduma za kumiliki account zaidi ya moja pamoja na huduma za mikopo kwa watumishi.

Mafunzo hayo yamefanyika leo tarehe 17/06/2022 katika ukumbi wa mikutano wa Halmashauri

Meneja wa Bank ya CRDB Ruangwa Upendo Mfilinge alisema wanashukuru sana ushirikiano wanaoupata kutoka kwa Menejimenti ya Halmashauri kwani inawarahisishia katika utendaji kazi.

Alitumia Nafasi hiyo kuwakaribisha watumishi wa Ruangwa kuendelea kufanya nao kazi.

Mkurugenzi Mtendaji Wa Halmashauri ya Wilaya ya Ruangwa  aliwashukuru kwa kufika na kuwapatia elimu hiyo na kuahidi kuyafanyia kazi elimu waliyopatiwa.

Pia Kupitia mafunzo hayo Ndg,  Chonya alisema wataharakisha kukata bima ya vitu vya thamani vilivyopo Wilayani hapo ili kujilinda zaidi.

" Tuna mtambo mkubwa wa kufyatulisha tofali huu tutaukatia bima haraka ili kujilinda pale inapotokea shida" amesema Chonya.